На складзе артылерыйскіх боепрыпасаў у вайсковым аддзеле, раскватараваным за 5 кіламетраў ад паселішча Каменка Ачынскага раёну Краснаярскага краю, узнікла загаранне, якое прывяло да выбухаў боепрыпасаў. Пра гэта паведамляюць «РИА Новости».
У выніку выбуху пацярпелі 8 чалавек. Ідзе эвакуацыя жыхароў бліжэйшых вёсак.
Вайскоўцаў эвакуявалі ў бамбасховішча. Паводле папярэдніх дадзеных, на артылерыйскім складзе могуць знаходзіцца парадку 40 тысяч снарадаў.
Чыгуначны рух на гэтым участку ў Краснаярскім краі абмежавалі.
Да месца надзвычайнага здарэння высунуліся пажарныя цягнікі. Міністр абароны Расеі Сяргей Шайгу накіраваў на месца падзей свайго намесніка Дзмітрыя Булгакава і групу спецыялістаў. У адміністрацыі Ачынску праходзіць экстраннае пасяджэнне штабу.
ІІ belsat.eu