Новыя купюры наміналам 100 і 200 еўраў уводзяцца ў абарачэнне ў краінах еўразоны ў аўторак, 28 траўня. Пра гэта паведамляе Еўрапейскі Цэнтрабанк, піша DW.COM.
Абноўленыя банкноты захавалі ранейшую каляровую гаму, але трохі змяніўся іх дызайн. Цяпер іх шырыня такая ж, як у купюры наміналам 50 еўраў. Адзначаецца, што дзякуючы гэтаму новыя купюры будуць лягчэй змяшчацца ў гаманцах грамадзянаў, а банкаматы будуць хутчэй іх апрацоўваць.
Абноўленыя купюры 100 і 200 еўраў забяспечаныя дадатковымі элементамі абароны. На іх нанесеныя нябачныя воку ахоўныя знакі, якія можа праглядзець толькі на апаратах. Акрамя таго, яны маюць новы элемент – галаграму, якая змяняецца пры паварочванні купюры. Гэтыя банкноты завяршаюць абнаўленне другой серыі еўрапейскай валюты, новыя купюры наміналам 5, 10, 20 і 50 еўраў ужо выйшлі ў абарачэнне.
Старыя банкноты будуць таксама выкарыстоўвацца да іх натуральнага вываду з абароту. Абноўленая купюра наміналам 500 еўраў выпускацца не будзе, у канца 2018 года старую версію перасталі выпускаць у абарачэнне. Гэта зроблена, каб перашкодзіць фінансаванню тэрарызму і нелегальнай працоўнай дзейнасці.
СК belsat.eu
