Карыстальнікі сацсетак паведамілі пра пажар у кабіне дызель-цягніка, які ехаў па маршруце Берасце-Пінск.
Гэта адбылося 22 студзеня ля вёскі Гарадзец Кобрынскага раёну.
Паводле МНС, пажар адбыўся прыкладна а 19:50 у кабіне хваставой часткі саставу. Пасажыры і супрацоўнікі чыгункі самастойна пакінулі цягнік. Ратавальнікі аператыўна згасілі полымя.
У дызель-цягніку аказаўся пашкоджаны маторны адсек, пацярпелых няма.
Дакладную прычыну пажару ўсталююць эксперты.
Глядзіце таксама:
НМ, belsat.eu, паводле БелТА, фотаздымкі з сацыяльных сетак
