Помнік Янку Купалу адкрылі ў Сіаньскім універсітэце замежных моў, паведамляе амбасада Беларусі ў Кітаі.
Адкрыццё адбылося ў час наведвання паслом Беларусі ў Кітаі Кірылам Рудым Сіаньскага ўніверсітэту замежных моў у правінцыі Шэньсі.
Адбылася сустрэча дыпламата з рэктарам навучальнай установы, яны абмеркавалі пытанні супрацы з беларускімі вышэйшымі навучальнымі ўстановамі і рэалізацыю праектаў Года адукацыі Беларусі ў Кітаі, уключаючы пашырэнне абменаў сярод прафесарска-выкладчыцкага складу і стварэнне сумеснай магістратуры.
Затым у новым корпусе універсітэту адбылася цырымонія адкрыцця помніка народнаму паэту Янку Купалу работы беларускага скульптара Віктара Копача. На цырымоніі пасол Руды выступіў з прамовай і адзначыў важную ролю Купалы ў беларускай і сусветнай літаратуры.
Па завяршэнні прамовы студэнты, якія вывучаюць беларускую мову, паказалі творчую праграму, прадэкламавалі вершы Купалы.
КА belsat.eu
