У Кіеве заклікалі да грамадзянскага непадпарадкавання «капітуляцыі»


Акцыя пратэсту ў Кіеве. Фота: facebook.com/oleh.tiahnybok

Каля будынку Офісу прэзідэнта Украіны 1 кастрычніка прайшла акцыя пратэсту супраць узгаднення Украінай «формулы Штайнмаера» адносна сепаратысцкіх рэгіёнаў Данбасу.

Як перадае УНІАН, на мітынг сабраліся прадстаўнікі палітычных партый «ВА «Свабода» і Нацыянальны корпус, а таксама Нацыянальных дружын і іншых нацыяналістычных арганізацыяў. Акцыя доўжылася каля 1,5 гадзіны.

Украіна пагадзілася на «формулу Штайнмаера» для Данбасу

Мітынгоўцы скандавалі «Не – капітуляцыі», бо, на іх думку, «формула Штайнмаера» прывядзе да легітымізацыі прарасейскіх баевікоў і здачы ўкраінскай тэрыторыі.

У прыватнасці, лідар Нацыянальнага корпусу Андрэй Білецкі заклікаў пераходзіць да доўгатэрміновай акцыі пратэсту, а ў выпадку неабходнасці – і да грамадзянскага непадпарадкавання «капітуляцыі».

МГ belsat.eu

Глядзі таксама
Каментары