28 жніўня ў Кіеве на вуліцы Беларускай, дзе год таму ўсталявалі помнік беларускім добраахвотнікам, сабраліся неабыякавыя, каб ушанаваць памяць беларускага героя.
Мастак Тарас Носар прадстаўляе карціну, якую прысвяціў беларусам, якія ў студзені 2015 году ўзнялі ў Пясках бел-чырвона-белы сцяг.
Каля помніка сабраліся беларускія і ўкраніскія актывісты з бел-чырвона-белымі сцягамі, каб ушанаваць памяць Алеся Чаркашына і ўкраінца Віталя Ціліжэнкі, загінулых на Данбасе два гады таму.
Алесь Чаркашын — удзельнік трох Плошчаў: 2001, 2006 і 2010 гадоў. Акрамя таго ён бараніў народны мемарыял «Курапаты» падчас пашырэння Менскай колавай аўтадарогі ў 2001-м, браў удзел у арганізацыях «Край» і «Зубр». Пазней далучыўся да дзейнасці «Беларускай хрысціянскай дэмакратыі».
Ён быў байцом тактычнай групы «Беларусь», далучыўся да добраахвотніцкага атраду «Правага Сектару» амаль з самога пачатку баявых дзеянняў на Данбасе. Ва Украіне ён вучыўся ў Біблейскім інстытуце ў Херсоне. На вайне ж стаўся капеланам добраахвотнікаў. Загінуў на ўсходзе Украіны 2 гады таму.
- У Берасці Алесю Чаркашыну ўсталявалі помнік
- Алесь Чаркашын пасмяротна атрымаў медаль ад украінскай царквы
- Рэжысёр Антось Цялежнікаў: Здымаючы рэпартаж пра Алеся Чаркашына, адкрыў пра яго шмат новага + рэпартаж
ДР belsat.eu
