Лекары больніцы ў Касцюковічах падчас агляду выявілі ў дзіцёнка, якому споўніўся месяц, раны і сінякі на твары, шыі ды грудзях. Аказалася, што плач дзіцяці замінаў маладому бацьку.
Маці распавяла журналістам БТ, што малое плакала і не давала адпачываць.
«Яму надакучыла, што дзіцё вечна ные –і ён збіў яго», – кажа маладая маці.
На пытанне, што яна рабіла ў гэты час сама, жанчына адказала, што «ратавала дзіцё».
«Ён мне таксама сіняк паставіў», – дадала яна.
Пасля медычнай экспертызы супраць мужчыны могуць распачаць крымінальную справу.
Старэйшая памочніца пракурора Касцюковіцкага раёну Таццяна Елісеенка заявіла, што ў камісію па справах непаўналетніх ужо скіраванае хадайніцтва аб адабранні дзіцяці ў сям’і.
Цяпер псіхолагі аказваюць псіхалагічную дапамогу абодвум бацькам. Ёй – 18, яму – 19 гадоў, яны сіроты.
Паводле лекараў, маладая маці ніяк не рэагуе на плач дзіцяці, яго пестуюць медсёстры.
ДД