За апошнія два тыдні ў Беларусі было зарэгістравана 5893 выпадкі інфікавання каронавірусам – гэта на 2 396 выпадкаў больш чым у папярэднія два тыдні (то бок у другой палове верасня).
Як паведамляе Міністэрства аховы здароўя, па стане на 13 кастрычніка ў Беларусі зарэгістравана 84 524 выпадкі каронавіруснай інфекцыі. За содні колькасць інфікаваных вырасла яшчэ на 526 чалавек.
«За ўвесь перыяд распаўсюджвання інфекцыі на тэрыторыі краіны памерлі 906 пацыентаў з шэрагам хранічных захворванняў з выяўленай каронавіруснай інфекцыяй», – адзначаюць у Мінздароўя.
Учора Міністэрства аховы здароўя афіцыйна пацвердзіла 901 смерць. Такім чынам, колькасць ахвяраў каронавіруса ў Беларусі павялічылася яшчэ на 5 чалавекі.
Агулам за апошнія два тыдні (з 30 верасня па 13 кастрычніка) было зафіксавана 5 893 інфікаваных каронавірусам – то бок у сярэднім 420 штодня. 73 чалавекі за гэты перыяд памерлі.
Для параўнання за два тыдні з 16 па 29 верасня Мінздароўя паведаміла пра 3 497 выпадкі інфікавання – то бок у сярэднім 249 штодня. Памёр пры гэтым 61 пацыент. Такім чынам, тэмпы захворвання ў кастрычніку выраслі ў 1,6 раза.
ІІ belsat.eu