У іркуцкім гандлёвым цэнтры паказвалі хімічныя доследы. 8 дзяцей атрымалі апёкі


У Іркуцку восем дзяцей ва ўзросце ад 5 да 13 гадоў атрымалі апёкі, назіраючы за імпрэзай у гандлёва-забаўляльным цэнтры «Комсомолл».

Стан пацярпелых ацэньваецца як здавальняючы, сцвярджаюць праваахоўнікі. Больш за ўсё пацярпелі двое дзяцей: 10-гадовы хлопчык і 13-гадовая дзяўчынка, у якіх зафіксаваны апёк цела да 25%. Хлопчык змешчаны ў палату інтэнсіўнай тэрапіі ў сувязі з апёкавым шокам.

«У адным з памяшканняў, арандаваным камерцыйнай арганізацыяй, праводзілася прадстаўленне, звязанае з дэманстрацыяй хімічных доследаў, дзе экскурсаводамі выкарыстоўваўся вадкі азот, электрычнасць і хімічныя рэактывы. У час прадстаўлення адбыўся выкід узгаральнага газу, які трапіў на газавую гарэлку і кароткачасова загарэўся, у выніку чаго дзеці, якія сядзяць у першым шэрагу, атрымалі апёкі», – паведамляюць у Следчы камітэт Расеі.

СК распачаў крымінальную справу па арт. 238 КК РФ (аказанне паслугаў, якія не адпавядаюць патрабаванням бяспекі, што пацягнула па неасцярожнасці прычыненне цяжкай шкоды здароўю чалавека). У цяперашні час затрыманы тэхнічны дырэктар камерцыйнай арганізацыі, а таксама экскурсаводы, якія прымалі ўдзел у імпрэзе.

ІІ, belsat.eu

Стужка навінаў