7 гадоў калоніі ўзмоцненага рэжыму атрымаў начальнік аднаго з падраздзяленняў КДБ Андрэй Мільчэнка, які сёлета зімой збіў дырэктара гомельскага кафэ «THE BOX 99» Леанарда Ганчаронка. Суд прызнаў палкоўніка вінаватым у наўмысным прычыненні цяжкага цялеснага пашкоджання, паведамляе TUT.BY.
Суд у Гомелі асудзіў экс-кіраўніка аднаго з падраздзяленняў КДБ Андрэя Мільчэнка да 7 гадоў калоніі ўзмоцненага рэжыму, таксама яго пазбавілі звання палкоўніка і абавязалі выплаціць 45 тысячаў рублёў маральнай кампенсацыі.
Былы начальнік 4-га аддзелк УКДБ па Менску і Менскай вобласці палкоўнік Андрэй Мільчэнка прызнаны вінаватым у збіцці 8 лютага ўласніка кавярні «THE BOX 99» Леанарда Ганчаронка. Спецслужбовец пачаў збіваць Ганчаронка пасля таго, як той зрабіў яму заўвагу на прыставанні да няпоўнагадовых дзяўчат у кавярні. У дырэктара была сур’ёзная чэрапна-мазгавая траўма.
СК belsat.eu
