У Гомлі раніцай 21 ліпеня каля Чыгуначнага РАУС 24-гадовы мясцовы жыхар на аўтамабілі «Audi» збіў на пешаходным пераходзе 45-гадовага міліцыянта. Пра гэта ў сваім тэлеграм-канале паведаміла афіцыйная прадстаўніца МУС Беларусі Вольга Чамаданава.
Паводле яе, міліцыянт пасля заканчэння дзяжурства выйшаў з будынку РАУС і па пешаходным пераходзе пайшоў да свайго аўтамабілю, але пасярод дарогі яго збіла машына.
Працаўніка міліцыі даставілі ў больніцу для аказання медычнай дапамогі.
Па факце наезду праводзіцца праверка.
МГ belsat.eu