У гомельскай школе, у якой пасля скандалу Лукашэнка вярнуў настаўніцу, новы дырэктар


Пасля рэзананснага канфлікту ў гомельскай школе № 15, у які ўмяшаўся Аляксандр Лукашэнка, былі прынятыя кадравыя рашэнні, у тым ліку і ў дачыненні да кіраўніка ўстановы адукацыі, паведамляе gp.by.

Ранейшы дырэктар 15-й школы будзе працаваць намеснікам дырэктара СШ № 65 Гомля, таксама ў Новабеліцкім раёне. А новым дырэктара стала Людміла Яўсеенка. Раней Людміла Мікалаеўна займала пасаду намесніка дырэктара па вучэбна-выхаваўчай працы ў гэтай школе.

Новы кіраўнік педагагічнаму калектыву быў прадстаўлены 24 верасня.

«У нас усё ў падвешаным стане». У гомельскай школе дагэтуль не ведаюць, хто будзе дырэктарам

Нагадаем, 12 верасня падчас урокаў настаўніца Людміла Чацвярткова вылаялася на вучня чацвёртага класа, пагражаючы забіць яго партай. Пасля публікацыі відэа школу наведала камісія з аблвыканкаму, настаўніцу звольнілі.

18 верасня стала вядома, што асабістым загадам Аляксандра Лукашэнкі настаўніцу аднавілі на працы, але звольнілі дырэктарку школы. Звольнілі таксама некаторых абласных і гарадскіх чыноўнікаў Гомля. Папярэджанні ад Лукашэнкі атрымалі прэм’ер-міністр, кіраўнік Адміністрацыі прэзідэнта і віцэ-прэм’ер, які курыруе галіну. Міністра адукацыі папярэдзілі аб няпоўнай службовай адпаведнасці.

Школа мату. Ці колькі словаў пра гомельскую настаўніцу

СК belsat.eu

Глядзі таксама
Каментары