Цягам лета ў Францыі зафіксавалі два празмерна гарачых перыяды. Падчас першай хвалі моцнай спёкі ў канцы чэрвеня і пачатку ліпеня загінулі на 567 чалавек больш сярэдняга.
Пра гэта распавяла Міністр салідарнасці і аховы здароўя краіны Ан’ез Бюзэн у эфіры радыё FranceInfo.
Другая хваля ў канцы ліпеня забіла 868 чалавек. 28 чэрвеня быў пабіты тэмпературны рэкорд – 46 градусаў цяпла. Толькі палове загінулых было больш за 75 гадоў.
Хваля спёкі пракацілася сёлета па ўсёй Еўропе. У Беларусі праз высокія тэмпературы не раз абвяшчалі памаранчавы ўзровень небяспекі. Навукоўцы звязваюць гэта са зменай клімату.
9 верасня цягам дня ў нашай краіне слупок тэрмометру пакажа да 27 градусаў цяпла.
ДР belsat.eu