У рэдакцыю «Белсату» жыхары Дзяржынску скінулі відэа з крамы «Радуга», у якім пакупнікі сярод мучных вырабаў заўважылі, як бегала шэрая мыш.
Іў! Хто гэта тут схаваўся??Мышкі!Гэтае відэа мы атрымалі ад жыхароў Дзяржынску, якія сцвярджаюць, што яно зроблена ў краме «Радуга». Мы абавязкова спраўдзім гэтую інфармацыю. А вы пакуль што ўважліва глядзіце, што купляеце!?Падрабязнасці: https://naviny.belsat.eu/news/u-dzyarzhynsku-pravyarayuts-kramu-u-yakoj-pakupniki-pabachyli-mysh-na-tavarah/
Opublikowany przez Белсат TV Piątek, 28 lutego 2020
У каментарах на відэа чуваць, як пакупнікі абураюцца санітарнымі нормамі ў новай краме. Відаць, як невялікі звярок перамяшчаецца з аднаго латка з вырабамі ў іншы.
У самой краме пацвердзілі, што відэа бачылі і адрэгавалі на гэта.
«Гэта не фэйк, так мы думаем. Вядзем разбіральніцтва. Цяпер з правяраннем у нашай краме мясцовая санстанцыя. Крама размяшчаецца ў арэндаваным памяшканні. У нас склады на першым паверсе, а гандлёвая плошча на другім паверсе. Таму разглядаем розныя версіі з’яўлення мышы. Існуе верагоднасць, што нехта яе прынёс у залю», – распавялі «Белсату» у дзяржынскай краме «Радуга».
Пасля таго, як пакупнікі пабачылі мыш сярод булак, вырабы прыбралі. Чытачы «Белсату» даслалі фота, на якім бачна, што паліцы пусты без тавараў.
СК belsat.eu