У дзіцячым садку ў Менску ў выхавальніцы знайшлі каронавірус. Але садок працуе


Нягледзячы на тое, што ў адным з дзіцячых садкоў Менску знайшлі каронавірус, установа працягвае працаваць.

Пра тое, што ў дзіцячым садку № 455, што на праспекце Газеты «Звязда» 12 выяўлены каронавірус у выхавальніцы, карэспандэнтам belsat.eu паведамілі чытачы. Паводле суразмоўцы, нягледзячы на гэта, садок працягвае працаваць. Там запланаваная толькі дэзынфекцыя.

Hавiны
За ўхіленне ад самаізаляцыі і медагляду беларусам пагражае штраф
2020.04.03 09:31

Мы звярнуліся па каментар у садок. Там нам спачатку пацвердзілі, што выпадак каронавіруса ў выхавальніцы фіксаваўся і што садок дагэтуль працуе.

Але затым да тэлефона падбегла жанчына, якая сказала, што садок не дае ніякай інфармацыі ды паклала слухаўку.

Прыводзім тэкставы запіс размовы:

«Паводле нашай інфармацыі, у вашым садку зарэгістраваны выпадак каронавіруса»

«Ну быў такі»

«У выхавальніцы, так?»

«Так»

«Але ці працягвае садок працаваць?»

«Ну так, функцыянуе»

«Алё. Ніякай інфармацыі, нічога не даем»

Hавiны
Колькасць інфікаваных каронавірусам перавысіла 1 млн чалавек
2020.04.03 07:37

Аўдыёзапіс размовы ёсць у распараджэнні belsat.eu.

МГ belsat.eu

Стужка навінаў