У доме сына Бабарыкі чарговы ператрус

У дом Эдуарда Бабарыкі на Вячы 2 ліпеня сілавікі прыйшлі з чарговым вобшукам.

Пра гэта паведаміла ягоная дзяўчына Аляксандра Зверава. Раней там ужо прайшлі два ператрусы. Прычыну новага яна не ведае.

https://www.facebook.com/100000035178542/posts/3365943163416823/?d=n

Папярэдні ператрус адбыўся ў мінулы чацвер, 25 чэрвеня. Тады сілавікі шукалі «таемны пакой», аднак нічога не знайшлі.

Эдуард Бабарыка быў затрыманы 18 чэрвеня пасля допыту ў ДФР разам са сваім бацькам, патэнцыйным кандыдат у прэзідэнты Віктарам Бабарыка. Цяпер абодва перабываюць у СІЗА КДБ.

Агулам па справе «Белгазпрамбанку» праходзяць больш за 20 чалавек, частку з іх прызналі палітвязнямі, у тым ліку Бабарыку з сынам.

«Грошы, знойдзеныя ў сяброў». Усё, што вядома пра «справу Белгазпрамбанку»

КА belsat.eu

Hавiны