У менскім Доме друку знайшлі прадмет, падобны да снараду, на месцы працуюць сапёры. Пра гэта паведамляе ГУУС Менгарвыканкаму.
«Пры правядзенні рамонтна-будаўнічых работ па адрасе праспект Незалежнасці, 79 будаўнікі выявілі прадмет, падобны да снараду», – кажуць у міліцыі.
Цяпер на месцы знаходкі працуе сапёрна-піратэхнічная група. Міліцыя ўзмацніла кантроль у тым ліку на прылеглай тэрыторыі.
Відавочцы распавялі TUT.by, што працаўнікоў Дому друку эвакуявалі з памяшкання.
Пазней стала вядома, што прадметаў, якія маглі б выбухнуць, на тэрыторыі Дому друку сапёрамі выяўлена не было.
КА belsat.eu
