Алеся Чаркашына і Віталя Ціліжэнку пасмяротна ўганаравалі медалямі за абарону Данбасу ад імя Украінскай Добраахвотніцкай арміі падчас адкрыцця выставы ў мастацкім музеі Чаркасаў.
Раней гэтыя карціны ўжо выстаўлялі ў Амбасадзе Украіны ў Беларусі, у Нацыянальным музеі гісторыі Украіны ды іншых гарадах Украіны.
Алесь Чаркашын — удзельнік трох Плошчаў: 2001, 2006 і 2010 гадоў. Акрамя таго ён бараніў народны мемарыял «Курапаты» падчас пашырэння Менскай колавай аўтадарогі ў 2001-м, браў удзел у арганізацыях «Край» і «Зубр». Пазней далучыўся да дзейнасці «Беларускай хрысціянскай дэмакратыі».
Алесь Чаркашын быў байцом тактычнае групы «Беларусь», далучыўся да добраахвотніцкага атраду «Правага Сектару» амаль з самога пачатку баявых дзеянняў на Данбасе. Ва Украіне ён вучыўся ў Біблейскім інстытуце ў Херсоне. На вайне ж стаўся капеланам добраахвотнікаў.
- У Берасці Алесю Чаркашыну ўсталявалі помнік
- Алесь Чаркашын пасмяротна атрымаў медаль ад украінскай царквы
- Рэжысёр Антось Цялежнікаў: Здымаючы рэпартаж пра Алеся Чаркашына, адкрыў пра яго шмат новага + рэпартаж
ДР belsat.eu паводле vycherpno.ck.ua
