Прэм’ер-міністр Бельгіі Шарль Мішэль у тэлезвароце заявіў, што ўзровень пагрозы нападаў у Бруселі будзе заставацца на высокім чацвёртым узроўні і ў панядзелак, пакуль сілы бяспекі шукаюць падазраваных ва ўдзеле ў тэрактах у Парыжы 13 лістапада.
Школы, універсітэты і метро ў бельгійскай сталіцы ў панядзелак будуць зачыненыя, падае Бі-Бі-Сі.
Брусель цягам выходных быў закрытым горадам, пакуль паліцыя вышуквала падазраванага ў нападах у Парыжы Салаха Абдэслама.
13 лістапада баевікі так званай «Ісламскага дзяржавы», частка якіх былі жыхарамі Бруселю, у шэрагу скаардынаваных нападаў у Парыжы забілі 130 чалавек.
Французскія ўлады апублікавалі партрэт трэцяга нападніка 13 лістапада, які загінуў каля Нацыянальнага стадыёна ў Парыжы.[/vc_column_text][vc_single_image image=”43886″ img_size=”large”][vc_column_text]
Глядзіце яшчэ >>> Эксперт па тэрарызме: Ёсць падставы казаць, што Расея даўно падтрымлівала «Ісламскую дзяржаву»
Як сказаў журналістам бельгійскі прэм’ер-міністр, улады краіны асцерагаюцца магчымага нападу, «падобнага да парыжскага, калі некалькі чалавек могуць планаваць скаардынаваныя адначасова нападу ў некалькіх месцах».
Раней у нядзелю міністр унутраных спраў Бельгіі Ян Жамбон сказаў, што пагроза бяспекі краіны не абмяжоўваецца адным толькі Абдэсламам, якога вышукваць.
«Пагроза шырэй, чым адзін падазраваны ў тэрарызме», – сказаў міністр фламандскаму каналу «VRT».
Шмат якія грамадскія месцы у звычайна люднай бельгійскай сталіцы сталі пустыя, бо жыхары Бруселю прыслухаліся да заклікаў уладаў пазбягаць вялікіх натоўпаў.
МЯ, паводле bbc.com
