БГК далучыўся да акцыі збору грошай на лячэнне двухгадовага Дзімы
Кірычуна.
19 лістапада ў межах Лігі чэмпіёнаў БГК на сваёй пляцоўцы сустракаецца са славенскім «Цэле».
Грошы, атрыманыя за кошт продажу квіткоў на матч, будуць пералічаныя на дабрачынныя мэты – лячэнне двухгадовага Дзімы Кірычуна з Берасця.
Дзіцёнку пастаўлены дыягназ: нейрабластома забрухавінавай прасторы з пашкоджаннем парааоартавых і паракавальных лімфатычных вузлоў з пашкоджаннем костак (лобнай ды цеменнай) і шпіку, 4 стадыя.
Чытайце таксама >>> Сяргей Новікаў пра канфлікт зборнай па гандболе і клубу БГК: Гэта прыступ калектыўнай безадказнасці
Падрабязней пра гісторыю хваробы хлопчыка, як і пра спосабы яму дапамагчы, можна прачытаць па спасылцы.
Матч супраць «Цэле» адбудзецца 19 лістапада а 19:30 у Палацы спорту «Вікторыя» (Берасці). Квіткі на гульню можна набываць ужо цяпер – ад 8 рублёў (кошт сацыяльнага квітка – 5.50).
НМ, belsat.eu