Кожны год каля супермаркету «Алмі» на цэнтральнай вуліцы Берасця засыпаюць снегам адмысловыя месцы для інвалідаў. Навошта так робяць, працаўнікі не каментуюць.
На вуліцы Маскоўскай у Берасці на паркоўцы каля супермаркета «Алмі» перад навагоднімі святамі засыпалі спецыяльную паркоўку для людзей з абмежаванымі магчымасцямі.
Такое адбываецца ўжо некалькі год запар. Калі ў горадзе выпадае снег, то побач з паркоўкай для інвалідаў утвараецца велізарная гара з снегу, лёду і бруду. А калі снег растае, працаўнікі засыпаюць гэтай бруднай масай паркоўкі для інвалідаў і ходнікі. Belsat.eu спытаў працоўных, навошта яны так робяць, але тыя адмовіліся даваць каментар.
– У мяне няма паўнамоцтваў даваць вам каментар, – адказалі па тэлефоне загадчыцы крамы «Алмі».
АС, фота аўтара/Belsat.eu
