Аварыя ў Берасці.
Фота: t.me/pressmvd
П’яны кіроўца на «Peugeot» урэзаўся ў аўтамабіль ДАІ. Інцыдэнт здарыўся 19 кастрычніка ў Берасці на вуліцы Маскоўскай, паведаміла прэс-сакратар МУС Вольга Чамаданава.
44-гадовы берасцеец не справіўся з кіраваннем і сутыкнуўся з патрульнай машынай, якая стаяла першай паласе руху – працаўнік ДАІ афармляў іншае правапарушэнне.
У салоне міліцэйскага аўтамабіля знаходзіліся інспектар і правапарушальніца. У выніку аварыі яны атрымалі траўмы.
Медычны агляд выявіў у крыві вінаватага ў аварыі звыш за 3 праміле алкаголю.
МГ belsat.eu
