У Берасцейскім раёне кіроўца збіў пенсіянерку і з’ехаў. Цела знайшлі на наступны дзень


Вінаваты кіроўца з’ехаў з месца аварыі, але яго ўсё адно знайшлі. Пра гэта паведаміла ў сваім тэлеграм-канале прэс-сакратарка МУС Вольга Чамаданава.

Раніцай 9 сакавіка ў ДАІ Берасця звярнуўся мужчына, які паведаміў, што на дарозе каля вёскі Ляскова ляжыць жанчына без прыкмет жыцця, а побач з ёй – ровар. Таксама ён сказаў, што выклікаў хуткую дапамогу.

На месцы здарэння.
Фота: t.me/pressmvd

Выявілася, што 8 сакавіка каля 21:00 кіроўца «Audi 100» выехаў на сустрэчную паласу руху і збіў 60-гадовую жыхарку вёскі. Ад атрыманых траўмаў яна памерла на месцы. Вадзіцель з’ехаў.

Міліцыянты затрымалі падазраванага – 42-гадовага жыхара Кобрынскага раёну. У момант затрымання ён быў п’яны, а аўтамабіль з пашкоджаннямі стаяў у гаражы.

Распачатая крымінальная справа.

МГ belsat.eu

Стужка навінаў