Карова «выбрала свабоду» і збегла ад заводчыка на пачатку лістапада. Жывёліна далучылася да статка зуброў і ад таго часу жыве з імі ў лесе.
Карову, якая ў таварыстве пяцідзесяці зуброў блукала па ваколіцах, заўважыў арнітолаг Адам Збырыт.
І хоць яна ў парадку, эксперты папярэджваюць, што гэткае сяброўства можа паставіць пад пагрозу папуляцыю зуброў Белавежскай пушчы.
«Паўстае пытанне, ці не будуць яны спарвацца, чым забрудзяць папуляцыю зубра гібрыдам. Іншая пагроза ў тым, што зубраняты большыя памерамі, і карова можа памерці падчас родаў», – тлумачыць біёлаг Рафал Кавальчык.
Аднак навуковец запэўнівае, што карова яшчэ замаладая, каб пладзіцца.
ДР belsat.eu
