У беларускія войскі пастаўленыя сучасныя комплексы беларускай вытворчасці для барацьбы з беспілотнымі лятальнымі апаратамі (БЛА). Пра гэта паведамілі ў Міністэрстве абароны Беларусі.
Пастаўленыя сродкі здольныя перадухіліць несанкцыянаваныя палёты БЛА над важнымі аб’ектамі ваеннай і грамадзянскай інфраструктуры.
Для падрыхтоўкі спецыялістаў для іх эксплуатацыі і абслугоўвання на базе адной з воінскіх частак 15-17 траўня пройдуць навучальныя зборы.
Па сканчэнні навучання дадзеныя комплексы будуць урачыста ўручаныя, а падрыхтаваныя спецыялісты вернуцца ў пункты пастаяннай дыслакацыі з ужо вывучанай тэхнікай, каб прыступіць да аховы сваіх абʼектаў.
МГ belsat.eu