З 1 кастрычніка ў Беларусі скасоўваецца абавязак узгадняць рэкламныя аб’явы аб працаўладкаванні за межамі краіны. Пра гэта паведамілі ў Міністэрстве ўнутраных справаў.
Законы «Аб рэкламе» і «Аб процідзеянні гандлю людзьмі» забараняюць рэкламу працаўладкавання за межамі Беларусі без узгаднення з МУС. Ведамства прымае да разгляду абʼявы толькі ад юрыдычных асобаў і ІП, якія маюць ліцэнзію на працаўладкаванне за межамі краіны.
Але ўказ кіраўніка Беларусі № 326 «Аб удасканаленні ліцэнзавання» адмяняе патрабаванне ўзгадняць абвесткі.
Дзейнасцю, звязанай з працаўладкаваннем за мяжой, лічацца любыя дзеянні, у тым ліку аднаразовыя для працаўладкавання за межамі краіны грамадзянаў.
Займацца такой дзейнасцю могуць толькі зарэгістраваныя ў Беларусі юрыдычныя асобы і ІП.
МГ belsat.eu
