У Беларусі рэзка вырас курс долара

Фота: https://t.me/bnkbel

На фоне падзення сусветных коштаў на нафту і звязанага з гэтым падзення курсу расейскага рубля істотна знізіўся і курс беларускага.

На таргах на Беларускай валютна-фондавай біржы 9 сакавіка курс долара вырас на 5,01 % да 2,3518 рубля, еўра – на 6,24 % да 2,675 рубля.

«Галоўнае – што будзе з нафтай». Ці будзе абясцэньвацца беларускі рубель услед за расейскім?

Расейскі рубель патаннеў на 4,78 % да 3,1628 беларускага за 100 расейскіх.

Услед за гэтым выраслі курсы ў банках Беларусі. Гэтак, «Цэптэр Банк» прадае долар ужо 2,4 рубля, «Белінвестбанк» – 2,402 рубля, а «Банк БелВЭБ» – увогуле 2,42 рубля. Самыя нізкія курсы продажу амерыканскай валюты зафіксаваныя ў «Парытэтбанку» і «Абсалютбанку» – 2,359 рубля.

Самы высокі курс продажы еўра цяпер складае 2,77 рубля («Банк БелВЭБ»), самы нізкі – 2,685 («Парытэтбанк»).

Прэм’ер Румас: штучна стрымліваць беларускі рубель не будуць

МГ belsat.eu

Hавiны