У Беларусі пачнуць рэгуляваць дыстанцыйную працу


Кіраўнік Беларусі падпісаў закон, якім унёс змены ў Працоўны кодэкс. Як адзначылі ў Адміністрацыі Аляксандра Лукашэнкі, дакумент запрацуе праз шэсць месяцаў пасля афіцыйнага апублікавання.

Закон рэгулюе парадак часовага пераводу работніка на іншую працу, у тым ліку да іншага наймальніка. Памер выхадной дапамогі павялічаны да аднаго сярэднямесячнага заробку, калі работніка звольнілі з прычыны няпоўнага працоўнага часу. Працаўніка павінны будуць папярэдзіць пра змяненне істотных умоваў працы за месяц.

Дзве траціны беларусаў не зарабляюць прэзідэнцкія «па пяцьсот»

Дазволена сумяшчаць поўны працоўны дзень або змену падчас працоўнага адпачынку. А бацькам змогуць выдаваць пры іх жаданні адпачынкі да 14 дзён пры нараджэнні ў сям’і дзіцяці.

Навацыяй стала рэгуляванне стасункаў работніка і наймальніка пры дыстанцыйнай працы.

Працоўная міграцыя ў Польшчу і Літву павялічылася

Пры згодзе бакоў пяцігадовы кантракт з работнікам, які не парушае дысцыпліну, будзе працягвацца да заканчэння максімальнага тэрміну яго дзеяння. А новы кантракт з ім будзе заключацца не менш, чым на тры гады. На меншыя тэрміны кантракты будуць працягваць і заключаць толькі з пісьмовай згоды работніка.

Акрамя таго, матэрыяльная адказнасць будзе наступаць аднолькава і для тых, хто працуе паводле кантракту, і для тых, хто паводле працоўнай дамовы, толькі за наўмыснае прычыненне шкоды.

Урад паабяцаў пазбавіцца нізкааплатных працоўных месцаў да 1 ліпеня. Эксперт: гэта папулізм

МГ belsat.eu

Глядзі таксама
Каментары