У адміністрацыйных будынках Менску з 9 красавіка пачалі адключаць ацяпленне. Пра гэта паведаміў галоўны інжынер гарадской жыллёвай гаспадаркі Уладзімір Лебедзь, перадаюць «Минск-Новости».
«Пасля гэтага звычайна адключаюць батарэі ў жылых дамах і ў апошнюю чаргу ў сацыяльных аб’ектах (у навучальных установах, дзіцячых садках, больніцах і паліклініках)», – адзначыў ён.
Паводле яго, пакуль штосутачная тэмпература трымаецца на ўзроўні плюс шэсць градусаў, усе астатнія будынкі знаходзяцца ў рэжыме прапальвання. На наступным тыдні сіноптыкі абяцаюць пацяпленне, але вялікія ападкі могуць адсунуць адключэнне ацяплення ў дамах і сацыяльных абʼектах.
У Горадні цяпло перасталі падаваць у грамадскія і адміністрацыйныя будынкі, прамысловыя прадпрыемствы і іншыя абʼекты ўжо 8 красавіка, паведамляе «Гродзенская праўда».
Спыняюць падачу цяпла ў адміністрацыйныя будынкі і ў Магілёве, піша mogilevnews.by.
МГ belsat.eu