На гэтым тыдні ў Беларусі будзе пераважна без ападкаў і да 17 градусаў цяпла. Толькі ў пачатку і ў канцы тыдня месцамі магчымыя невялікія ападкі.
Паводле інфармацыі Белгідрамету, 16 красавіка невялікія дажджы ў многіх раёнах Гомельскай і Берасцейскай вобласцяў і месцамі на астатняй тэрыторыі краіны. Ноччу магчымы мокры снег. Уначы ў асноўным ад 0 да плюс 5, па захадзе да 1-3 градусаў марозу. Днём 9-15 градусаў цяпла, па паўднёвым захадзе Берасцейскай вобласці – да плюс 6-8.
У сераду пераважна без ападкаў. Уначы ад мінус 1 да плюс 5 градусаў, пры праясненнях месцамі да мінус 3. Днём 11-16 градусаў цяпла.
У чацвер пераважна без ападкаў. Уначы ад мінус 3 да плюс 3 градусаў, а па паўднёвым захадзе – плюс 4-5. Днём 11-17 градусаў цяпла.
МГ belsat.eu
