У сувязі з пандэміяй каронавіруса дапамогу па беспрацоўі ў Беларусі могуць істотна павялічыць. Пра гэта ў «Галоўным эфіры» тэлеканала «Беларусь-1» заявіў першы віцэ-прэмʼер Дзмітрый Круты.
Паводле словаў першага віцэ-прэмʼера Беларусі Дзмітрыя Крутога, на мінулым тыдні завершана праца ўрадоўцаў над пакетам сацыяльных захадаў. Неўзабаве дакумент атрымае кіраўнік краіны.
«Далей – падтрыманне беспрацоўных грамадзянаў, якія ў другім квартале пазбавіліся працы. Яны сёння не вельмі хочуць рэгістравацца на біржы, таму што вельмі нізкая дапамога – усяго 28 рублёў. Мы прапанавалі кіраўніку краіны павялічыць гэту дапамогу да бюджэту пражытковага мінімуму – гэта каля 250 рублёў. І калі на працягу трох месяцаў чалавек будзе знаходзіцца на біржы, ён будзе атрымліваць гэтую павышаную дапамогу, і мы яму два разы паводле заканадаўства будзем прапаноўваць працу», – распавёў віцэ-прэмʼер Дзмітрый Круты.
СК belsat.eu
