Кіраўнік Чачні Рамзан Кадыраў будзе знаходзіцца з візітам у Беларусі 25-26 верасня. Пра гэта сёння паведаміў на брыфінгу ў Міністэрстве замежных спраў Беларусі прэсавы сакратар міністэрства Дзмітры Мірончык, паведамляе БелТА.
Ён у прыватнасці адзначыў, што падчас знаходжання ў Менску беларускі і чачэнскі бакі разгледзяць пытанне паглыблення прамысловай кааперацыі.
Паводле афіцыйнага Менску, Беларусь гатовая значна павялічыць пастаўкі ў Чачню грузавой, сельскагаспадарчай і транспартнай тэхнікі. Таксама яна можа прапанаваць сваіх спецыялістаў, якія маглі б праектаваць новыя абʼекты ў Чачні і працаваць на іх.
Кадыраў заявіў аб сваім намеры наведаць Беларусь яшчэ ў лістападзе мінулага году ў адказ на запрашэнне Лукашэнкі, якое прагучала падчас сустрэчы апошняга з расейскай прэсай.
КА, belsat.eu