У Баранавіцкім гарвыканкаме распавялі, што горад адмовіўся ад святакавання Дня працы і Дня Перамогі, падае «Intex-press».
«У Дзень Перамогі не будзе мітынгу і шэсця, а таксама культурна-масавых імпрэзаў», – кіраўнік аддзелу ідэалагічнай работы і па справах моладзі Святлана Паўловіч.
Таксама чыноўнікі вырашылі адмяніць сёлета святкаванне Дня гораду, падчас якога ў Баранавічах у сярэдзіне траўня ладзяць фестываль «Баранавіцкая вясна».
Па стане на 29 красавіка ў 2-м гарадскім шпіталі Баранавічаў знаходзіцца 37 пацыентаў са станоўчым тэстам на COVID-19, распавёў выданню «Наш край» галоўны ўрач медустановы Рауф Гасанаў. Самы малады пацыент мае 21 год, дадаў лекар.
Па стане на 29 красавіка ў Беларусі зарэгістравалі 13 181 выпадак каронавіруснай інфекцыі, што складае 7,8 % ад колькасці тэстаў. За апошнія содні інфікаваных стала больш на 973 чалавекі.
ДД belsat.eu