13 тэстаў здалі замест Тамань Нусрат яе двайнікі. Дэпутат парламенту Бангладэш наняла дзяўчат, якія падобныя да яе, каб яны здавалі замест яе экзамены ва ўніверсітэце. Пасля выяўлення гэтага жанчыну выключылі з навучальнай установы, піша The Guardian са спасылкай на AFP.
Тамань Нусрат, якая з’яўляецца дэпутатам парламенту Бангладэш, атрымлівала ступень бакалаўра мастацтваў у Адкрытым універсітэце Бангладэшу. Але ці-то часу, ці-то жадання навучацца ў яе не было. У выніку яна пачала выкарыстоўваць махлярства. Выявілі падман журналісты, якія прыйшлі на экзамен і сутыкнуліся з двайніком.
Неназваны супрацоўнік універсітэту, дзе вучылася дэпутат, заявіў, што двайнікоў суправаджалі ахоўнікі Нусрат. Жанчына адмовіліся ад каментароў у гэтай справе.
СК belsat.eu