Днём 15 чэрвеня ў адным з блокаў бабруйскага інтэрнату на Моладзевым бульвары пачаўся пажар.
Першым дым адчуў сабака па мянушцы Рэкс, які разбудзіў сваю гаспадарку – 13-гадовую Дзіяну Папову.
Дзякуючы гэтаму дзяўчынка змагла выбрацца ў калідор і паклікала на дапамогу дарослых.
Як распавяла маці Дзіяны Наталля Пятроўна, дварняка дачцэ падарылі некалькі гадоў таму знаёмыя. Днём 15 чэрвеня Рэкс быў у пакоі з Дзіянай, якая прылегла адпачыць пасля школьнай практыкі.
«Дачка распавядала, што Рэкс пачаў гучна лаяць і скуліць. Яна ўстала, выйшла з пакою і пабачыла дым», – распавяла Наталля Пятроўна.
Блок інтэрнату, у якім жыве сям’я Пятровых, складаецца з двух невялікіх пакояў, калідорчыка, санвузла і падсобнага памяшкання, якое пераабсталяванае пад кухню. Там стаяла лядоўня «Норд», якая, на думку інспектара нагляду і прафілактыкі Бабруйскага гаррайаддзелу надзвычайных сітуацыяў Аляксея Сафронава, і стала прычынай узгарання. Менавіта гэтую версію цяпер правяраюць.
Калі дзяўчынка выбегла на калідор, вартаўнік разам з суседкай пачалі гасіць полымя вогнетушыцелямі.
Ратавальнікі якія прыбылі на месца, эвакуявалі з будынку дзевяць асобаў, сярод якіх было двое дзяцей.
