За адзін дзень у Бабруйску раптоўна памерлі два маленькія дзіцяці. Але ў Следчым камітэце заяўляюць, што смерці не звязаныя міжсобку.
25 снежня памёр 5-гадовы хлопчык, які з маці і бабуляй жыў у вёсцы Каменка Бабруйскага раёну. Яму стала дрэнна пасля наведвання дзіцячага садка. Маці выклікала хуткую, але выратаваць дзіця не атрымалася.
Паводле папярэдняй версіі, гэта выпадак не звязаны са смерцю ў гэты ж дзень 2-гадовай дзяўчынкі, паведаміла радыё «Свабода» афіцыйная прадстаўніца Следчага камітэту на Магілёўшчыне Анастасія Лаўрыновіч.
«Смерць хлопчыка не носіць крымінальнага характару. Прызначана судова-медычная экспертыза, якая можа доўжыцца месяц», – сказала яна.
Лекары папярэдне лічаць, што прычынаю смерці двухгадовай дзяўчынкі ў Бабруйску стала генералізаваная менінгакокавая інфекцыя, якая працякала ў выглядзе маланкавай формы.
Двухгадовую дзяўчынку даставілі ў бабруйскі шпіталь 24 снежня. Дзіця паклалі ў рэанімацыйнае аддзяленне, але выратаваць жыццё дзяўчынкі не ўдалося. 25 снежня яна памерла.
МГ belsat.eu
