Ля берагоў афрыканскай краіны Камерун 17 маракоў патрапілі ў палон. Сярод палонных, як мінімум, адзін украінец, піша «Украінская праўда».
Консульская служба МЗС Украіны паведамляе, што разам з зацікаўленымі субʼектамі прадпрымае меры па вызваленні захопленага ўкраінца.
Два гандлёвых караблі ў водах Камеруну былі атакаваныя цягам некалькіх гадзін. Паводле прадстаўнікоў, ваенна-марскога флоту краіны, выкрадальнікі, верагодна, нігерыйскія піраты. Сілы бяспекі Камеруну пачалі пошукавую аперацыю.
Паводле версіі Міжнароднага марскога бюро ў Малайзіі, адно з суднаў – шматмэтавы нямецкі карабель пад сцягам Антыгуа і Барбуда. Іншае – грэцкі сухагруз пад сцягам Лібэрыі.
У той жа час, па дадзеных МЗС РФ, напад здзейснены на грузавое судна «Мармалайта», якое рухалася пад сцягам Антыгуа і Барбуда. Трое з 8 членаў экіпажа, якія апынуліся ў палоне, – грамадзяне Расеі.
КА belsat.eu
