Паездкі тралейбусам, аўтобусам і трамваем у Віцебскай і Гарадзенскай вобласцях падаражэлі на 5 капеек. Цяпер у абласных цэнтрах праезд каштуе 55 капеек. У кіроўцы за талон прыйдзецца заплаціць 65 капеек.
Новыя тарыфы ўваходзяць ад 28 лістапада. Гэткія рашэнні ўхвалілі мясцовыя аблвыканкамы.
У Гомельскай і Магілёўскай вобласцях цана праезду пакуль не змянілася.
У Менску таксама разглядаюць магчымасць павялічыць кошты. У гэтым выпадку праезд у Менску ў наземным транспарце будзе каштаваць 65 капеек, у метро – 70 капеек.
Месячныя праязныя таксама будуць каштаваць даражэй.
У гарадах з насельніцтвам больш за 250 тысяч чалавек за праязны на месяц на ўсе віды транспарту трэба будзе заплаціць 13 рублёў 79 капеек.
У міністэрстве антыманапольнага рэгулявання і гандлю заяўляюць, што на сёння беларусы аплочваюць 70,7 % выдаткаў на праезд у гарадскім аўтамабільным транспарце, рэшту кампенсуе дзяржава.
Летась у Беларусі зацвердзілі антыінфляцыйную праграму, якая прадугледжвае, колькі беларусы будуць кампенсаваць да 2020 года за жыллёва-камунальныя паслугі, а таксама за праезд у грамадскім транспарце.
Паводле яе, праз два гады пасажыры будуць аплочваць не менш за 80 % кошту праезду ў гарадскім транспарце і не менш за 65 % – у прыгарадным.
ДР belsat.eu