Новы памер паведамленняў – 280 замест 140 знакаў.
Гэта «рэвалюцыя» для сацсеткі, якая цягам 11 гадоў трымалася абмежавання на колькасць знакаў, што было яе ключавой асаблівасцю.
We’re expanding the character limit! We want it to be easier and faster for everyone to express themselves.
More characters. More expression. More of what’s happening.https://t.co/wBpYdy1K40
— Twitter (@Twitter) 7 listopada 2017
Увесь час карыстальнікі сервісу шукалі магчымасці абысці абмежаванні: уклейвалі скрыншоты з больш доўгім тэкстам альбо аб’ядноўвалі твіты.
Twitter паведамляў пра «падаўжэнне» твітаў яшчэ ў верасні. Тады функцыя была даступна абмежаванаму колу карыстальнікаў. Цяпер новы памер паста даступны на амаль усіх мовах, акрамя японскай, карэйскай і кітайскай. Паводле распрацоўшчыкаў, мовы з іерогліфамі дазваляюць выказаць думку меншай колькасцю знакаў, бо кожны іерогліф можна лічыць за адзін знак.
«Мы ўбачылі, што, калі людзям дазволілі выкарыстоўваць больш за 140 сімвалаў, яны сталі пісаць прасцей і часцей. Але, што важна, людзей, чые твіты ўтрымліваюць менш 140 знакаў, больш, і сцісласць у Twitter захавалася», – падкрэслілі ў кампаніі.
Стваральнікі адзначаюць, што з павелічэннем мяжы да 280 сімвалаў, максімальную даўжыню мае толькі 1% твітаў.
Новыя правілы распаўсюджваюцца і на беларускую мову. Абнаўленне ўжо даступнае на вэб-версіі сацсеткі, мабільнае прыкладанне абновяць неўзабаве.
ДР belsat.eu
