Цягнік зачапіў і працягнуў 8-гадовага хлопчыка больш за 200 метраў


Дзіцё загінула ад атрыманых траўмаў. Здарэнне адбылося на чыгуначнай станцыі «Памыслішча» ў Менскім раёне.

61-гадовая жыхарка аграгарадка Шчомысліца і ейныя чацвёра непаўналетніх унукаў пераходзілі чыгуначныя шляхі па неўрэгуляваным наземным пераходзе. Жанчына не пабачыла надыходзячы цягнік праз надземны пераход, які знаходзіўся паблізу, і яркага сонца. Склад цягніка «Берасце – Санкт-Пецярбург» зачапіў хлопчыка і працягнуў на адлегласць больш за 200 метраў.

Паводле інфармацыі Менскага РАУС, машыніст падаваў гудкі, сігналізаваўшы пра набліжэнне цягніка, а таксама ўжыў экстранае тармажэнне.

Праводзіцца праверка.

ДР belsat.eu

Глядзі таксама
Каментары