Абітурыенты, якія здавалі Цэнтралізаванае тэставанне па беларускай мове, ужо могуць азнаёміцца са сваймі вынікамі. Пра гэта паведаміў дырэктар Рэспубліканскага інстытуту кантролю ведаў Юрый Міксюк.
Паводле яго, вынікі ЦТ можна пабачыць у асабістых кабінетах на сайце РІКВ, перадае БелТА.
Таксама Юрый Міксюк распавёў, што на 100 балаў ЦТ па беларускай мове напісалі 42 чалавекі.
Цэнтралізаванае тэставанне ў Беларусі стартавала 11 чэрвеня з ЦТ па беларускай мове. Здаваць яго запісаліся больш за 22 тыс. чалавек супраць амаль 63 тыс., якія здавалі расейскую мову.
МГ belsat.eu