Гарадзенская журналістка разам з чатырохгадовай дачкой запусцілі флэш-моб, каб абараніць незалежнасць Беларусі.
Як адзначыла журналістка Дар’я Нячай, апошнія дні яна сочыць у Горадні за падзеямі ў Менску онлайн.
«Мая чатырохгадовая дачка папрасіла растлумачыць што адбываецца і хто ўсе гэтыя людзі са сцягамі, выслухала маё «дзіцячае» тлумачэнне і сказала: «Мама, давай я папрашу яго не чапаць нашу краіну!» і папрасіла запісаць відэа», – расказала жанчына.
На запісе дачка Дар’і Нячай просіць «цара Пуціна» не чапаць Беларусь.
«Будзеш мяне слухацца, тады атрымаеш цукерку», – кажа дзяўчынка.
На думку гарадзенскай журналісткі, гэтае відэа магло б стаць пачаткам адпаведнага дзіцячага флэш-мобу па ўсёй Беларусі.
МГ belsat.eu