Міністэрства аховы здароўя паведаміла, што ва ўстановах аховы здароўя Беларусі з падазрэннем на каронавірусную інфекцыю знаходзяцца тры пацыенты.
1 сакавіка Мінздароўя паведаміла, што адзін з тэстаў беларускі з Віцебскай вобласці выявіў фрагмент РНК, які «можа належаць» да каронавірусу тыпу 2019-nCoV.
«Беларуска і двое ейных калегаў прыбылі з Італіі. У звязку з тым, што яны былі непрацяглы час у Паўночнай Італіі, іх выклікалі ва ўстанову аховы здароўя. Тут ва ўсіх, хто прыбыў, узялі тэсты і аналізы. Пацыентаў шпіталізавалі ў Віцебскую абласную клінічную інфекцыйную больніцу. Іхны стан здавальняючы, прыкметаў захворвання няма. У калегаў жанчыны тэсты адмоўныя», – гаворыцца ў паведамленні Мінздароўя.
29 лютага Мінздароўя паведаміла, што бацька дзяўчыны студэнта БНТУ з Ірану, у якога выявілі «кітайскі каронавірус», таксама мог ім заразіцца. Ягоныя вынікі тэстаў ведамства назвала «сумнеўнымі».
«На сённяшні момант, ва ўстановах аховы здароўя Беларусі з падазрэннем на каронавірусную інфекцыю знаходзяцца тры пацыенты. Ва ўсіх траіх стан здавальняючы, клінічных праяваў хваробы няма», – паведамляе Міністэрства аховы здароўя.
27 лютага стала вядома пра першы пацверджаны выпадак захворвання каронавірусам у Беларусі. Ён быў выяўлены ў іранскага студэнта, які прыляцеў з Баку 22 лютага.
ЮВ belsat.eu