Былы трэнер зборнай Расеі па футболе Леанід Слуцкі спыніў супрацу з расейскім «Першым каналам» у якасці каментатара матчаў чэмпіянату свету па футболе.
Пра гэта ён заявіў напрыканцы трансляцыі гульні паміж зборнымі Расеі і Егіпта (3: 1).
Каментуючы матч Нямеччыны і Мексікі Слуцкі ўзгадаў расейскага апазіцыйнага палітыка Аляксея Навальнага.
Кароткі дыялог каментатараў ужо стаў мемам.
Паводле «Першага каналу», Леанід Слуцкі меў падпісаны кантракт на каментаванне толькі 4 матчаў.
Таксама вядома, што Слуцкі вяртаецца да трэнерскай працы ў галандскім «Vitesse», які ён узначаліў сёлета ў сакавіку.
ЮВ, belsat.eu
