Прэзідэнт ЗША Доналд Трамп анансаваў увядзенне санкцыяў у дачыненні да Анкары. Падставай для абмежавальных мераў стала вайсковая аперацыя ў Сірыі супраць курдаў.
Пра гэта заявіў Доналд Трамп у сваім Twitter.
Санкцыі распаўсюджваюцца на афіцыйных асобаў Турцыі і прадугледжваюць не толькі фінансавыя абмежаванні, але і забарону на ўезд у ЗША. Чорны спіс прадугледжвае павелічэнні мытаў на турэцкую сталь, а таксама адмову ЗША ад перамоваў пра гандлёвае пагадненне з Анкарой «на суму сто мільярдаў долараў».
Турцыя 9 кастрычніка распачала вайсковую аперацыю супраць курдаў у Сірыі. Анкара мае намер адцясніць ад мяжы апалчэнні, якія былі саюзнікамі ЗША ў барацьбе з «Ісламскай дзяржавай».
Супраць аперацыі ў Турцыі выступіў Еўразвяз, а таксама афіцыйны Дамаск.
СК belsat.eu