Пра гэта прэзідэнт ЗША заявіў у інтэрв’ю агенцтву Reuters.
Доналд Трамп зноў абвінаваціў Кітай у распаўсюдзе эпідэміі і адзначыў, што разглядае розныя варыянты адказу Пекіну:
– Я магу зрабіць шмат, – сказаў ён у інтэрвʼю Reuters.
Прэзідэнт ЗША распавёў, што Кітай на раннім этапе пандэміі хаваў праўду пра эпідэмію. Таксама ён наракае на тое, што апаненты абвінавачваюць яго ў недастатковай падрыхтоўцы ЗША да распаўсюду каронавірусу.
Доналд Трамп распавёў, што намагаецца захаваць амерыканскую эканоміку на плыву праз прамыя выплаты фізічным асобам і кампаніям, адначасова падштурхоўваючы губернатараў штатаў, да асцярожнай адмены каранцінных захадаў, у выпадках калі колькасць інфікаваных зніжаецца.
На 30 красавіка як мінімум 60 тысяч амерыканцаў загінулі ад COVID-19.
ВБ Belsat.eu
