ДТЗ у Бярозаўскім раёне.
Фота: t.me/pressmvd
Каля Белаазёрску Бярозаўскага раёну ў дарожна-транспартавым здарэнні загінулі не менш за чатыры чалавекі. Пра гэта паведаміла ў сваім тэлеграм-канале прэс-сакратар Міністэрства ўнутраных справаў Вольга Чамаданава.
Паводле інфармацыі, кіроўца аўтамабіля «Mercedes GL», у якім знаходзілася ажно дзесяць чалавек, не справіўся з кіраваннем і перакуліўся ў меліярацыйны канал.
На месцы загінулі двое малалетніх дзяцей і дарослыя мужчына і жанчына. Пяць чалавек выбраліся самастойна з канала, у тым ліку кіроўца. Ідуць пошукі дзясятага ўдзельніка аварыі.
На месцы працуюць супрацоўнікі ДАТ, выратавальнікі, следчыя МУС.
МГ belsat.eu
