Віцебскі абласны суд прыгаварыў да 12 гадоў пазбаўлення волі былога намесніка гендырэктара «Нафтану».
На лаве падсудных апынуліся таксама 51-гадовы начальнік упраўлення вытворча-тэхнічнай камплектацыі (9 гадоў турмы) і 38-гадовы начальнік аддзелу камплектацыі (7 гадоў турмы).
Топ-менеджары распрацавалі карупцыйную схему, якая працавала па прынцыпе «адкатаў» за абсталяванне, якое набывалася для кампаніі «Нафтан». Кантракты заключалі не з тымі, хто прапаноўваў выгадныя ўмовы і кошт, а з тымі, хто мог падзяліцца з начальствам. Злачынная схема дзейнічала з 2011 па 2013 год. Сума хабараў за гэты час склала каля € 240 000.
У 2013-ым карупцыянеры планавалі атрымаць хабар у памеры € 900 000, але не паспелі, бо былі затрыманыя аператыўнікамі МУС. Шкода прадпрыемству склала каля Br 46 млрд. Абвінавачаныя кампенсавалі шкоду на Br 38 млрд, піша belapan.by.
- Анатоль Лябедзька: «Карупцыя ў Беларусі – гэта руская рулетка»
- Карупцыя ў Беларусі: частка дзяржсістэмы
- «Першай справаю начальнік загадаў павысіць яму заробак». Як змагаюцца з карупцыяй на вёсцы
- СК выявіў карупцыянера на Рагачоўскім малочнакансервавым камбінаце, які браў «адкаты»
ЮВ, belsat.eu, паводле, belapan.by
