Тэлевядоўца Салаўёў: Я адправіў бы сваіх дзяцей у Сірыю з аўтаматам


Тэлевядоўца Уладзімір Салаўёў заявіў, што спрабаваў паехаць служыць у Афганістан і адправіў бы сваіх дзяцей ваяваць у Сірыю.

Пра гэта ён сказаў у эфіры сваёй аўтарскай праграмы на тэлеканале «Россия 1», якая выйшла 29 лістапада.

Салаўёў назваў памылкай вывад савецкіх войскаў з Афганістана. Пасля гэтага яго спыталі, ці адправіў бы ён туды свайго сына.

«Я б паслаў туды свайго сына, і я туды спрабаваў паехаць сам. І ніякай праблемы ў гэтым не бачу. І сваіх дзяцей я б і ў Сірыю адправіў », – адказаў тэлевядучы. Ён удакладніў, што адправіў бы туды дзяцей не з камерай, а з аўтаматам.

Раней у інтэрв’ю «Камсамольскай праўдзе» Салаўёў распавядаў, што яго старэйшы сын Аляксандр вучыцца ў Лондане.

КА, belsat.eu

Стужка навінаў