Сем гадоў таму ў менскім метрапалітэне здарылася адна з самых крывавых трагедыяў у сучаснай Беларусі. Да сёння не вядома, хто быў замоўцам тэракту.
Тэракт, за які Уладзіслава Кавалёва і Дзмітрыя Канавалава прысудзілі да смяротнага пакарання, адбыўся на станцыі метро «Кастрычніцкая» 11 красавіка 2011 года. Выбух забраў жыцці 15 асобаў, больш за дзве сотні былі параненыя.
Дакументальны фільм-расследаванне «Белсату» «Страх у краіне спакою»
Аляксандр Лукашэнка разам з сынам спусціўся ў метро, каб ускласці кветкі, калі на платформе яшчэ ляжалі трупы.
Ужо на другі дзень пасля выбуху кіраўнік Беларусі асабіста паведаміў, што тэракт раскрылі, а ягоныя выканаўцы ўжо ў руках следчых. У сакавіку 2012-га Кавалёва і Канавалава расстралялі.
Апісанне нестыковак у справе і парушэнняў у ходзе следства займае 53 старонкі нагляднай скаргі, якую склаў і накіраваў у Вярхоўны суд адвакат Станіслаў Абразей.
У гэты дзень менчукі ўспамінаюць ахвяраў трагедыі: нясуць кветкі да мемарыялу і праводзяць жалобныя мерапрыемствы.
ДР belsat.eu